sentiero

 බෝංචි

 බෝංචි යනු Fabaceae කුලයට අයත් Phaseolus vulgaris  යන විද්යාත්මක නමින් හදුන්වන,ගෙවතු බෝගයක් ලෙස ඕනෑම පරිසර තත්ත්වයක් තුල වගා කල හැකි බෝගයකි. ඒ නමුදු උෂ්ණත්වය ඉතා වැඩි හා තද වර්ෂාව ඇති කාලගුණික තත්ත්වයන් එතරම් සුදුසු නොවේ. මනා ජලවහනයක් ඇති ලොම්පස් හා වැලි ලොම්පස් වගාවට සුදුසු වන අතර  PH අගය 6.5-7.5 අතර වීම වඩා උචිතය.

ලංකාවේ වගාවට නිර්දේශිත බෝංචි පුභේද අතර වැල් බෝංචි හා පදුරු බෝංචි ලෙස ආකාර දෙකක් පවතී. වැල් බෝංචි පුභේද ලෙස කෙන්ටකි වන්ඩර් ගීන්, කැප්පෙටිපොළ නිල්, බලංගොඩ නිල් හා ලංකා බටර් ද, පදුරු බෝංචි පුභේද ලෙස වේඩ්, ටොප් කොප් හා චෙරොකි වැක්ස් ද පවතී.

පලමුව බෝංචි වගාව සදහා බිම සකස් කිරීමේදී අඩියක් පමණ ගැඹුරට පස පෙරලා කැට පොඩි කර ගත යුතුයි. වැල් බෝංචි වගාව සදහා 40Cm×30Cm හා පදුරු බෝංචි වගාව සදහා 40Cm×40Cm යන පරතරය සිටින සේ වලවල් කපා ගත යුතුයි. වලක පුමාණය 30Cm×30Cm×30Cm වීම වඩා සුදුසු වේ.බීජ සිටුවීමට දින දෙකකට පෙර මෙම වලවල් සදහා මූලික පොහොර යෙදීම කල යුතුයි.මේ සදහා කොම්පෝස්ට් පොහොර වඩා සුදුසු වේ.බීජ සිටුවීමට පෙර පැය 7-8 ක් පමණ ජලයේ පෙගෙන්නට ඉඩ සලස්වා ඉන්පසු බීජ සිටුවීම සිදු කරයි.බීජ සිටුවා සති 2-3 ක් ගත වන විට මතුපිට පොහොර යෙදීම කල යුතුයි.ඉන්පසු වැල් බෝංචි සදහා කෝටු සිටුවා වැලට ආධාරක  ලබාදීම මගින් වැල් ඉක්මනින් හා ශක්තිමත්ව වර්ධනය කර ගත හැක.මෙලෙස පාත්ති බෝංචි වගාව සිදු කරන අතර බදුන් තුලද බෝංචි වගාවන් සිදු කල හැක.ඒ සදහා ඉවතලන 10kg,25kg පුමාණයේ සහල් කවර වුවද යොදා ගත හැකියි.මනා අස්වැන්නක් ලබා ගැනීම සදහා පසේ තෙතමනය ආරක්ෂා කල යුතුය.මල් හා කරල් හට ගන්නා කාලයේදී මෙම ජල සම්පාදනය ඉතා වැදගත් වේ.එසේම මල් හට ගන්නා කාලයේදී උෂ්ණත්වය සෙල්සියස් අංශක 30 ට වඩා අඩුවීමෙන් වැඩි අස්වැන්නකත් ලබා ගත හැක.

නව වගාවක් ආරම්භ කිරීම සදහා මේ දිනවල පුධාන පුශ්නයක් විය හැක්කේ බීජ සපයා ගැනීමයි.අප පරිභෝජනය සදහා වෙලදපොලෙන් මිලදී ගන්නා බෝංචි අතර ඇතැම් විට මේරූ බෝංචි කරල් අපට හමුවේ.එවැනි  මේරූ කරල කින් ලබා ගන්නා තරමක්  තද පැහැ බෝංචි බීජ වගාව ආරම්භය සදහා යොදා ගත හැක.

මේ ආකාරයට වගාව ආරම්භ කර හොදින් නඩත්තු  කිරීම  මගින් දෛනික පරිභෝජනය සදහා සරු පලදාවක් ලබා ගත හැකියි.නිසි කලට ජලය, පොහොර යෙදීම,කෘමි උවදුරු පාලනය යන සියල්ල සිදු වූ විට පදුරු බෝංචි වගාවෙන් දින 45 කින්ද, වැල් බෝංචි වගාවෙන් දින 60 කින්ද අස්වැන්න නෙලාගත හැක.

සටහන - කාංචනා කුමාරගේ

Design by - Inosha jayalath